इनरुवा,। सुनसरीको गढी गाउँपालिका-२ थलाहामा हत्या गरेको आरोपमा एक जनालाई पक्राउ गरेर बुधबार सार्वजनीक गरेको छ ।
पक्राउ पर्नेमा गढी गाउँपालिका-२ सखुबारे टोलका ३० वर्षीय चन्दन ऋषिदेव रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
भदौ ३ गते सोमबार बिहानको समयमा गढी ६ का ४६ वर्षीय ज्ञानचन ऋषिदेवको हत्या गरेको थियो । पक्राउ परेका चन्दनको साथबाट कोदालो (फरुवा) बरामद भएको छ ।
चन्दनले पटक-पटक कोदालो (फरुवा) ले प्रहार गरी टाउको छिनाई हत्या गरेको सुनसरीका प्रहरी नायव उपरीक्षक भण्डारीले जानकारी दिनुभयो ।
पक्राउ परेका ऋषिदेवलाई जिल्ला अदालत सुनसरीबाट ५ दिनको म्याद थप गरेर अनुसन्धान सुरु गरेको सुनसरी प्रहरीले जनाएको छ ।
Discussion about this post