इनरुवा १२ भदौ,। सुनसरी कोशी गाउँपालिका-८ भण्टावारीको तिनकुनवाबाट स्कार्पियोसहित ३ सय ३६ केजी गाँजा बरामद भएको छ।

जिल्ला प्रहरी कार्यालय सुनसरीले बरामद गरिएको ३ सय ३६ केजी गाँजा र स्कार्पियो बुधबार सार्वजनीक गरेको हो।

बिशेष सूचनाको आधारमा जिल्ला प्रहरी कार्यालय सुनसरीबाट खटिएको टोलीले चेकजाच गर्दा भारतीय नम्वरको स्कारपियोमा ३ सय ३६ केजी गाँजा बरामत भएको छ भने चालक फरार भएको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।

एचआर २६ बी ०९९०४ नम्वरको भारतीय गाडिमा बेरा भित्र हालेर नेपालबाट भारततर्फ लगिरहेका बेलामा १० बोरा ३ सय ३६ केजी लागूऔषध गाँजासहित सवारी नियन्त्रणमा लिन सफल भएको उहाँले बताउनुभयो ।

पक्राउ परेको गाँजा र सवारीको बिषयमा अनुशन्धान भइरहेको छ भने फरार सवारी चालकको खोजी भइरहेको प्रहरी नायव उपरीक्षक भण्डारीले जानकारी दिनुभयो ।