इनरुवा, २५ भदौ। सुनसरी बराहक्षेत्र नगरपालिका ६ स्थित सप्तकोसी नदीबाट ठुलो परिमाणमा मङगलबार गाँजा बरामद भएको छ ।

बिषेश सूचनाका अधारमा इलाका प्रहरी कार्यालय बराहक्षेत्रबाट खटिएको टोलीले सप्तकोसी नदीमा तीन वटा ट्युव माथि ८ वटा बोरामा दुई सय ४८ किलोग्राम गाँजा बरामद गरेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।

सप्तकोसीमा बग्दै गरेको अवस्थामा गाँजा बरामद गरिएको उहाँको भनाई छ । प्रहरीले गाँजा नियन्त्रणमा लिएर त्यसबारे थप अनुसन्धान गरिरहेको जिल्ला प्रहरी कार्यालय सुनसरीले जनाएको छ ।