स्मार्ट २४ न्यूज
इनरुवा:- सुनसरी सदरमुकाम इनरुवा २ निवासी पारस यादवले बिहीबार बिहान आफ्नै घरमा झुन्डिएर आत्महत्या गरेको छ।
यादवको शव आफ्नै घरको दोस्रो तलामा झुन्डिएको अवस्थामा बिहान फेला परेका हो।सामाजिक र राजनीतिक क्षेत्रसँगै व्यापार व्यवसायमा समेत यादव आवद्ध रहेका थिए ।
उहाँले आत्महत्या गर्नका लागि धेरै पटक प्रयास गर्दा गर्दै अन्तिम पटक उनले आफ्नो घाटीमा डोरीको फासो लगाएर कुर्सीमा चढेको समयमा काँधमा राखेको गम्छा भुईमा खसेपछि त्ससलाई टिप्न खोज्दा झुण्डिएको दृष्य उनको घरमा रहेको सीसीटीभी फुजेटमा देखिएको छ ।
घरको प्यासेजमा रहेको विद्युतको लाईन अफ गरी करिब ४० मिनेटसम्म पटक–पटक आत्महत्या गर्ने प्रयास गरेका यादवले गम्छा टिप्न खोज्दा झुण्डिएको सीसीटीभी फुटेजको दृष्यमा देखिएको छ।
इनरुवाका पुरानावासी स्व। रामप्रसाद र स्व।दुर्गादेवीको कोखबाट जन्मिएका तीन छोरा ३ छोरी मध्ये माईलो छोराका रुपमा २०१६ साल वैशाखमा जन्मिएका यादवलाई दुई छोरा, एक छोरी र श्रीमति छन ।
२०३६ सालमा नेपाली कांग्रेस निकटको मजदुर संघको सभापति भएका यादव स्थानीय निर्वाचनमा दुई पटक राप्रपाको तर्फबाट इनरुवा नगरपालिकाको लागि मेयर पदको उम्मेदवार भई निर्वाचनमा भाग लिएका थिए ।
राजनीतिक र सामाजिक क्षेत्रमा पहिचान बनाएका यादव आफ्नो हक्की र निडर स्वभावका कारण इनरुवावासीका माँझमा परिचित रहेका थिए ।
यादवको शव आजै जिल्ला अस्पताल इनरुवामा पोष्टमार्टम गरेपछि सुनसरी खोलामा धार्मिक परम्पराअनुसार दाहसंस्कार गरिएको छ ।
