इनरुवा,। सुनसरीको इनरुवा नगरपालिका-२ का अजय पंडितलाई छुरा प्रहार गरी घाईते बनाई नगद तथा मोवाइल लुटपाट गरी फरार रहेका २ जना पक्राउ परेका छन् ।
पौष १७ गते बिहान साँढे ६ बजेको समयमा इनरुवा नगरपालिका-९ स्थित पंडितलाई छुरा प्रहार गरी पण्डितसंग रहेको नगद तथा मोवाइल लुटपाट गरी फरार रहेका २ जनालाई प्रहरीले पक्राउ गरेको छन् ।
पक्राउ पर्नेहरूमा देवानगञ्ज गाउँपालिका-५ घर भइ हाल इनरुवा नगरपालिका-१ मा बस्दै आएका २२ बर्षीय गजेन्द्र प्रसाद ठाकुर र महदेवा गाउँपालिका-५ सप्तरी घर भइ इनरुवा-१ बस्दै आएका २१ बर्षीय मुकेश मण्डललाई जिल्ला प्रहरी कार्यालय सुनसरीले पक्राउ गरेको हो ।
पक्राउ परेका दुबै जना माथि थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।
