नसीम अन्सारी
भुटाहा,। सुनसरीको हरिनगर गाउँपालिकामा नेपाली काँग्रेसका अध्यक्ष र उपाध्यक्ष पुनः विजय भएको छ।
हरिनगर गाउँपालिकाको अध्यक्षमा अध्यक्षमा गफार अन्सारी र उपाध्यक्षमा रिमझिम कुमारी भगत विजयी भएका हुन् ।
निकटतम प्रतिस्पर्धी नेकपा एमालेका उम्मेदवार लस्करी अन्सारी भन्दा काँग्रेसका उम्मेदवार गफार अन्सारीले १ हजार १८ मत बढी पाएका छन् ।
अन्सारीले ६ हजार १७२ मत पाएर निर्वाचित हुँदा नेकपा एमालेका उम्मेदवार लस्करी अन्सारीले ५ हजार १५४ मत प्राप्त गरेको निर्वाचन कार्यालय हरिनगरले जनाएको छ ।
उपाध्यक्षमा काँग्रेसकै रिमझिम कुमारी भगतले ६ हजार २१३ मत ल्याएर विजयी भएकी छन् । निकतम प्रतिस्पर्धी नेकपा एमालेका
कोशिला कुमारी साहुले ५ हजार ४०७ मत पाएकी छन् ।
हरिनगरमा ७ वटा वडा रहेकोमा नेपाली काँग्रेसले अध्यक्ष र उपाध्यक्ष सहित ३ वटा वडा पुरा प्यानल विजय भएका छन् ।
त्यसैगरी नेकपा एमालेले २ वटा वडा पुरा प्यानल विजय भएका छन् । त्यस्तै १ वटा वडामा जसपाले पुरा प्यानल विजय भएको छ। त्यस्तै १ वटा वडामा नेकपा एकृकित समाजवादीले पुरा प्यानल विजय भएको छ।
हरिनगरको वडा नं १ मा नेकपा एमालेका उम्मेदवार प्रवीण गुप्ता विजय भएको छ। वडा नम्बर २ मा एमालेका उम्मेदवार मोहम्मद अन्सारी विजय भएको छ।
त्यसैगरी वडा नम्बर ३ मा नेपाली काँग्रेसका उम्मेदवार अरबिन्द प्रसाद मेहता विजय भएको छ।
त्यस्तै वडा नम्बर ४ मा जसपाका उम्मेदवार देवनारायण मेहता विजय भएको छ।
त्यसैगरी वडा नम्बर ५ मा काँग्रेसका उम्मेदवार सिगमलाल यादव विजय भएको छ।
वडा नम्बर ६ मा काँग्रेसका उम्मेदवार हाजि तैयब अन्सारी विजय भएको छ।
त्यसैगरी वडा नम्बर ७ मा नेकपा एकृकित समाजवादीका उम्मेदवार मोजम्मील खाँ विजय भएको छ।
