नसीम अन्सारी
भुटाहा,। सुनसरीको हरिनगर गाउँपालिका १ स्थित भुटाहामा रहेको भुटाहा जेनरल हस्पिटल क्वारेन्टाइन र भुटाहा बजार छेउमा रहेको जामे मस्जिद होम क्वारेन्टाइन गरि बसेका जम्मा ३४ जनाको गरिएको कोरोना भाइरस ९कोभिड १९० को परीक्षण रिपोर्ट सबैको नेगेटिभ आएको छ ।
भुटाहा जेनरल हस्पिटल क्वारेन्टाइनमा १९ जना राखिएका नेपाली नागरिकहरु भारतको विभिन्न गाउँ शहरबाट आएका व्यक्तिहरु हुन । त्यसगरि जामे मस्जिद होम क्वारेन्टाइनमा १५ जना रहेको जमातका व्यक्तिहरु मध्ये १४ जना भारती नागरिक र १ जान नेपाली नागरिक हो।
प्रदेश नं. १ सरकार तथा समाजिक विकास मन्त्रालयले कोशी अस्पताल बिराटनगरबाट पठाएका डाक्टरहरु टिमले क्वारेन्टाइनमा राखिएका ती व्यक्तिहरुको स्वाब संकलन गरी परीक्षणका लागि कोशी अस्पताल बिराटनगर लगिएको थियो ।
परीक्षणअनुसार क्वारेण्टाइनमा बसेका सवैको रिपोर्ट नेगेटिभ आएको हरिनगर गाउँपालिका स्वास्थ्य शाखा प्रमुख प्रकाश थापा मगरले जानकारी दिए । ‘कोशी अस्पताल बिराटनगरमा गरिएको परीक्षणबाट सबै जनाको रिपोर्ट ‘नेगेटिभ’ आएका छ,’ थापामगरले भने, ‘यो हाम्रा लागि खुशीको कुरा हो ।’
चैत १५ गते यता जिल्ला बाहिरबाट आई क्वारेन्टाइन र होम क्वारेन्टाइनमा बसेका ३४ जनाको स्वाब परीक्षण गरिएको उनले बताए ।
उहाँकाअनुसार हालसम्म हरिनगरमा ३४ जनाको र्यापिड डाईग्नोष्टिक टेस्ट गरिएकोमा सवैको रिपोर्ट नेगेटिभ आएको छ । विभिन्न स्थानबाट ३ महिला र ३१ पुरुषको र्यापिड टेस्ट गरेका थियौं,’ सवैको नजिता नेगेटिभ आएको छ ।’ र्यापिड टेस्ट गरिएका केही व्यक्तिहरुलाई क्वारेन्टाइनमै राखिएको र केही होम क्वारेन्टाइनमा रहेको उनले बताए ।
यस्तै जामे मस्जिद होम क्वारेन्टाइनमा रहेका १५ जना भारती जमातलाई अहिले तत्काल घर नपठाउने बाँकी भुटाहा जेनरल हस्पिटल क्वारेन्टाइनमा रहेको १९ जना मध्ये ५ जनालाई आज घर पठाएको १४ जनाको समय नपुगेकोले १४ दिन पुगेपछि पठाउने स्मार्ट २४ न्यूजसँगको कुराकानीमा हरिनगर गाउँपालिका अध्यक्ष गफार अन्सारीले जानकारी दिएको हो ।
