नसीम अन्सारी
भुटाहा,। सुनसरीको हरिनगर गाउँपालिका वडा नं.७ घुस्कीमा मंगलबार अत्याधुनिक शैलीमा निर्माण गरिएको सशस्त्र प्रहरी बल घुस्कीको भवन उद्घाटन गरिएको छ। सशस्त्र प्रहरी बल नेपाल नं.१ बराह बाहिनी पकली कार्यालयका सशस्त्र नायव महानिरीक्षक नगेन्द्र थापाले भवनको उद्घाटन गरेका हुन् । उद्घाटन लगत्तै उनले नवनिर्मित भवनको निरिक्षण समेत गरेका थिए ।
उनले सो समारोहमा नागरिकको अपेक्षा अनुसार शान्ति सुरक्षाको उचित व्यवस्था गर्न मातहतका सबै निकायलाई निर्देशन दिएका छन्। प्रहरी महानिरीक्षक थापाले सशस्त्र प्रहरीहरुले आफ्नो काम गर्ने शैलीमा सुधार गर्दै अघि बढ्नुको विकल्प नरहेको बताएका छन्।
उनले सशस्त्र प्रहरीले सुरक्षा सम्पादनको कामलाई प्रभावकारी बनाउँदै लैजाने गरी सशस्त्र प्रहरी भवन निर्माण कार्यलाई पनि अत्याधुनिक बनाउँदै लगिएको पनि जानकारी गराए। महानिरीक्षक थापाले अत्याधुनिक सो भवन निर्माणसँगै त्यसले प्रवाह गर्ने सेवा पनि आधुनिक हुनेपर्नेमा जोड दिए।
हरिनगर गाउँपालिका घुस्की स्थानीयबासीहरुले सशस्त्र प्रहरी बल घुस्कीलाई ८ कट्टा जग्गा दिएको हो। उद्घाटन उक्त भवनमा लागत ७० लाख रहेको सो भवन १ नम्बर प्रदेश सरकारो आर्थिक सहयोगमा निर्माण गरिएको हो। उक्त क्षेत्र फलमा अहिले कार्यालय भवन, जवानहरुको व्यारेक भवन दुइ वटा, ४ वटा डुयटी पोष्ट र घेराबेरा सहित ७० लाखको लागतमा गरिमा कन्टक्सन निर्माण कम्पनीले निर्माण गरेको जानकरी दिए।
उद्घाटन समारोहमा सशस्त्र प्रहरी बल घुस्कीले भवन निर्माणमा योगदान पुराउने व्यक्तिहरुलार्ई सम्मान गरेको छ । डिआईजी थापाद्धारा भवन निर्माणको जिम्मा पपाएको गरिमा कन्ट्रक्सन निर्माण कम्पनीका प्रमुख समय अवधी भित्रै गुणस्तरिय कार्य गरेको भन्दै उनलाई र हरिनगर गाउँपालिका अध्यक्ष गफार अन्सारी दुवै जनालाई कदर पत्र सहित सम्मान गरेका थिए । जग्गा दिने स्थानीयवासीहरुलाइ दोसला ओढाएर थापाले सम्मान गरेको थियो ।
२०६६ माघ १० गतेका दिन भवनको शिलन्यास सशस्त्र प्रहरी बल घुस्कीका प्रमुखले शिलन्यास
गरेको थियो । धन्यवाद मन्तव्य दिदै सशस्त्र प्रहरी बल नेपाल नं.४ गण हेक्बा इनरुवा सुनसरीका निमित गणपति सशस्त्र प्रहरी नायव उपरीक्षक देवराज विष्टले उक्त निमार्ण कम्पनीले समय मै मापदण्ड अनुरुपको काम गरेको प्रति धन्यवाद दिएका थिए ।
कार्यक्रममा प्रमुख अथिति सशस्त्र प्रहरी बल नेपाल नं.१ बराह बाहिनी पकली कार्यालयका डिआईजी नगेन्द्र थापा, विशेष अथिति हरिनगर गाउँपालिका अध्यक्ष गफार अन्सारी उपाध्यक्ष रिमझिम भगत अथितिहरु सशस्त्र प्रहरी बल नेपाल नं.४ गण हेक्बा सुनसरीका निमित गणपति सशस्त्र प्रहरी नायव उपरीक्षक देवराज विष्ट हरिनगर गाउँपालिकाका ३,४,६ र ७ का वडाअध्यक्ष सशस्त्र प्रहरी बल निरीक्षक ज्यूहरु स्थानीय समाजसेवी बुद्धिजीवी लगायत उपस्थिति रहेको थियोे ।
