नसीम अन्सारी
भुटाहा, सुनसरीको हरिनगर गाउँपालिकाका क्षेत्र भित्र रहेका बजार अनुगमन नगर्दा उपभोक्त मारमा परेका छन् ।
हरिनगर क्षेत्रमा रहेका बजार अधिकांश पसल अव्यवस्थित र गैरकानूनीरुपमा सञ्चालन भइरहेको छ । सुनसरीको दक्षिण क्षेत्रमा रहेको बजारहरु कहिले पनि जिल्लाबाट समेत अनुगमन भएको छैनन् ।
स्थानीय सरकारको रुपमा गाउँपालिका स्थपना भएको ३ साल पुरा हुनलागेको छ। तर गाउँपालिकाले पनि कहिले अनुगमन गरेको छैनन् ।
हरिनगर क्षेत्रमा रहेको बजार अनुगमन नभएको कारण भारतबाट अवैध रुपमा ल्याउने ब्रोईलर कुखुराको मासु, माछा पसलमा फोहोर झिंगा बस्ने अखाद्य वस्तु,म्याद गुज्रेका सामान बिक्री वितरण भईरहेको उपभोक्तहरुले गुनासो गरेको छन् ।
पसलको दर्ता गाउँपालिकामा न भएको तथा दर्ता फेल भइ गैरकानूनीरुपमा सञ्चालन गरेको समेत स्थानीयहरुको दाबी रहेको छ।
