नसीम अन्सारी
भुटाहा,। सुनसरीको हरिनगर गाउँपालिका भुटाहा जेनरल हस्पिटलमा कोरोना भाईरस रोकथाम तथा नियन्त्रणका लागि हरिनगर गाउँपालिकाले ५० वेडको क्वारेन्टाईन संचालन गर्ने तयारी गरेको छ।
हरिनगर गाउँपालिकाको वडा नम्बर १ भुटाहामा बन्द अव्यवस्थामा रहेको भुटाहा जेनरल हस्पिटल सर्वसुविधा सम्पन्न ५० वेडको क्वारेन्टाईन संचालनमा ल्याउने गाउँपालिकाका अध्यक्ष गफार अन्सारीले जानकारी दिनुभयो।
उक्त क्वारेन्टाईनमा गाउँपालिमाबाट आउने र यस गाउँपालिकामा कुनै व्यक्तिमाथि कोरोना संक्रमण भएको शंका लागेपछि हामी त्यसलाई सुविधा सम्पन्न रहेको क्वारेन्टाईनमा राखेर उपचार गर्ने हरिनगर गाउँपालिकाको प्रमुख प्रशासकीय अधिकृत कृष्णबहादुर कार्कीले जानकारी दिनुभयो ।
गाउँपालिका भित्र रहेको स्वास्थ्य सेवा बाहेक अति आवश्यक पर्ने खाद्यान्नका पसलहरु तोकिएको समयमा मात्र खोल्ने र निजी सवारी साधनहरु नचलाउने, आवश्यक परे भने अनुमति लिएर मात्र सवारी सधान चलाउन प्रमुख प्रशासकीय अधिकृत कार्कीले गाउँपालिकाबासीलाई आग्रह समेत गरे ।
गाउँपालिकाको प्रत्येक वडामा एक वटा हेल्थ डेस्कको स्थापना गरी आमजनतालाई सेवा दिदै आएको र संचालनमा ल्याउन लागेको क्वारेन्टाईन सेवा २४ औं घण्टा खुल्ला रहने छ ।
गाउँपालिकाको अध्यक्ष गफार अन्सारि र प्रमुख प्रशासकीय अधिकृत कृष्णबहादुर कार्कीको संयुक्त पहलमा शुक्रबार गाउँपालिका स्वास्थ्य शाखा प्रमुख, वडा १ का वडाअध्यक्ष अबदुल लतिफ अन्सारी,भुटाहा प्रहरी चौकी प्रमुख, सशस्त्र प्रहरी बल भुटाहाका प्रमुख,गाउँपालिका मेलमिलाप संयोजक, स्थानीय समाजसेवी, वृद्धिजीवि लगायत विभिन्न सरोकारवाहरुको उपस्थितिमा हस्पिटल अध्यन अबलोकन गरेको थियो ।
अवलोकन पछि शुक्रबार अपरहण गाउँपालिकाको बिपद ब्यबस्थापन समितिको बैठक बसि आवश्यक निर्णय गरि शनिबारदेखि क्वारेन्टाइन संचालन ल्याउने अध्यक्ष अन्सारीले बताए ।
