नसीम अन्सारी
भुटाहा,। सरकारले सिमानाकामा कडाई गर्ने निर्देशन गरि रहदा भारतसँग खुल्ला सिमा रहेको सुनसरीबाट अहिले पनि नेपाल-भारत प्रवेश गर्नेहरु नरोकिएका खबरहरु पनि प्राप्त भई रहेका छन।
सुनसरीको दक्षिण क्षेत्र खुल्ला सिमानाका भएका कारण अवैध रुवमा लुकिछिपि नेपाल प्रवेश गर्नेहरु अझै नरोकिएको सिमा क्षेत्रका स्थानिय बताउछन।
लकडाउन भएतापनि भारती घुरणा र बस्मतिया बजार दैनिक सयौं जना भन्दा बढी व्यक्तिहरु जाने गरेको छ। दैनिक सरसमान,लत्ताकपडा ल्याउन नेपालबाट भारत जाने गरेको स्थानीय सदाम अन्सारीले बताए ।
लुकिछिपि भारतबाट नेपाल प्रवेश गरि रहेका छन। खास गरि सुनसरीको कोशी ब्यराज देखि सहावगंज सम्म नेपाल-भारत खुल्ला सिमानाकाको विभिन्न स्थानबाट अहिले पनि स्थानिय नेपाल-भारत दैनिक आवतजावत गरिरहेको सिमा क्षेत्रका स्थानियहरु बताउछन।
सिमा क्षेत्रमा शसस्त्र प्रहरी बल तैनाथ गरिए पनि विभिन्न स्थानबाट स्थानियहरुले नेपाल भित्रि रहेको स्थानियहरु बताउछन।
सिमाक्षेत्र सिल गरिको र शसस्त्र प्रहरी पनि दिन रात सिमामा खटिईएको छ। तर पनि मकैवारीबाट लुकिछिपि मान्छेहरु नेपाल-भारत भित्रिने गरेको हरिनगर गाउँपालिका अध्यक्ष गफार अन्सारीले बताए ।
सिमा क्षेत्रमा प्रहरी, शसस्त्र प्रहरी खटिईए पनि सबै स्थानमा निगरानी राख्न नसक्दा अहिले पनि सुनसरीको दक्षिण क्षेत्रबाट दैनिक नेपाल प्रवेश गरि रहेको खबर स्थानियहरुले दिएको छ।
शनिबार बिहान १० बजेको समयमा हामीले सिमानाका पुगदा प्रहरीको केही दुरीबाट नेपालबाट भारत जाने र भारतबाट नेपाल आउने गरेको दृश्य देखेका थिए।
सुरक्षा व्यवस्था कडा पारेपछि भारतको विभिन्न ठाउँबाट आएर दिसो भारतमा बस्ने रातिको समयमा नेपाल प्रवेश गरेको सिमा सुरक्षामा खटिएका प्रहरीको अनुमान छ।
सुनसरीको नेपाल–भारत सीमा क्षेत्रमा व्यापक रूपमा सशस्त्र प्रहरी खटाइएको छ । १० वटा सुरक्षा पोस्ट थप गरेर सशस्त्र प्रहरी परिचालन गरी निगरानी बढाइएको हो ।
अन्य क्षेत्रका पोस्टबाट सशस्त्र प्रहरीहरूलाई सीमा क्षेत्रमा खटाइएको छ । यसअघि सुनसरीको विभिन्न नाकामा नौवटा बिओपी पोस्ट तैनाथ गरिएको थियो । हाल १० वटा थप गरिएको सशस्त्र प्रहरीका एसपी कृष्ण ढकालले जानकारी दिए ।
सात सय पाँच जना सशस्त्र प्रहरीलाई एकदेखि साढे एक किलोमिटरको अन्तरमा ५५ वटा पोस्ट खडा गरेर खटाइएको एसपी ढकालले जानकारी दिए । सुनसरीमा ६२ किलोमिटर सीमा क्षेत्र पर्छ ।
भारतसँगै विश्वभर तीव्र रूपमा फैलिरहेको कोरोना भाइरस सुनसरीको सीमानाकाबाट संक्रमित कोही व्यक्ति भित्रिन नदिन सुनसरीमा व्यापक सशस्त्र प्रहरी परिचालन गरिएको हो ।
सशस्त्र प्रहरीले सीमा क्षेत्रमा भारतीय सुरक्षा अधिकारीहरूसँग समन्वय गरेर सुरक्षा गरिरहेका छन् ।
