नसीम अन्सारी
भुटाहा,। सुनसरीको हरिनगर गाउँपालिका वडा नं १ भुटाहामा सार्वजनिक सुनुवाई कार्यक्रम सम्पन्न भएको छ । सम्पन्न भएको सार्वजनिक सुनुवाईमा शैक्षिक संस्थादेखी धार्मिक सम्पदा निर्माणसम्मको कुरा र सवालहरु उठाएका छन्।
वडा नं. १ का वडा अध्यक्ष अबदुल लतिफ अन्सारीले चालु आर्थिक वर्षको ५५ लाख रुपियाँ बराबरको वडाको आयव्यय सार्वजनिक गर्नुहुदै सडकबाटो, पुल, भौतिक पूर्वाधार निर्माण सहितका काम गरेको बताउनुभयो ।
कार्यक्रममा ग्राभेलबाटोमा कालोपत्रे, कच्चि सडकमा उच्चस्तरीय ग्रभावेल, मठमन्दिर, मदर्सा सहितको विकासमा काम गरेको अन्सारीले बताउनुभयो ।
अन्सारीले श्री बाल कृष्ण मावि भुटाहामा भवन निर्माण, फर्निचर, स्वास्थ्य चौकीलाई सहयोग, मन्दिरहरुको निर्माण, थानहरुमा मर्मत सम्भार तथा अस्मसान घाट निर्माण, कबिस्तान घेराबेरा सहितको काम गरेको सार्वजनिक सुनुवाई कार्यक्रममा आफ्नो प्रतिवेदन प्रस्तुत गर्नुभयो ।
सम्पन्न भएको कार्यक्रममा नेपाल वेलफेयर सोसाइटीका अध्यक्ष मोजमिल अहमद अन्सारीले विद्यालयका बालबालिकाहलाई वर्षिक रुपमा शैक्षिक भ्रमणको लागि बजेट राख्नुपर्ने र राखेको बजेट अरु क्षेत्रमा खर्च गर्ने नहुने बताए ।
कार्यक्रममा स्थानीयवासी अब्बास अन्सारीले वडा अध्यक्ष र सदस्यहरुले विकासको काम गरि रहेको बताए । त्यसैगरी वडा सदस्य रिनोद बहरदारले भन्ने हामी सबै सदस्यहरुले एक मतले विकासका कामहरु गरि रहेको बताए ।
सार्वजनिक सुनुवाई कार्यक्रममा केही सहभागीले बाटो निर्माणको क्रममा खाल्टो भएको र पानी जमेकाले आवतजावतमा समस्या भएको गुनासो गर्नुभयो ।
सहभागी र सरोकारबालाहरुको प्रश्न, सवालको जवाफ वडा अध्यक्ष अबदुल लतिफ अन्सारीले दिनुभएको थियो ।
कार्यक्रममा आफुले वडाका सबै राजनीति दल, प्रहरी प्रशासन, वृद्धिजिविस, समाजसेवी, शिक्षकवर्ग, नागरिक समाज, संघ संस्थालाई बोलाउने इच्छा भएतापनि सरकार तथा गाउँपालिकाले कोरोना भाइरसबाट बच्न भिडभाड नगर्न नगराउन नियम लागाएपछि त्यसै कारण आफुले सार्वजनिक सुनुवाइ कार्यक्रममा सबैलाई नबोलाएको अन्सारीले बताए ।
सम्पन्न कार्यक्रममा वडाका २० देखि २५ जनाको उपस्थिती रहेको थियो ।
कार्यक्रम हरिनगर गाउँपालिका १ नम्बर वडा कार्यालयको सहयोगमा तथा स्मार्ट साझा मिडिया प्रा।लि को आयोजना र विराट टेलिभिजनको सजीकरणमा सम्पन्न भएको थियो । कार्यक्रममा नसीम अन्सारी र पत्रकार बाबुराम खड्काले सहजीकरण गर्नुभएको थियो ।
