स्मार्ट२४ न्यूज ८ पुष २०७६ मा प्रकाशित
हरिनगरा / सुनसरीकाे हरिनगर गाउँपालिका वडा नं. ४ काे कार्यालयमा जनप्रतिनिधि र कर्मचारी कार्यालयमा नबस्ने गरेको पाइएको छ । कर्मचारीहरूले कार्यालय समयसम्म कार्यालयमा बसेर काम गर्नुपर्नेमा हाजिर गरेर जाने गरेको पाइएको हो ।
स्थानीयबासी इन्द्रनारायण साहले सिफारिसकाे लागि साेमबार दिउँसो एक बजेर ३० मिनेटको समयमा वडा कार्यालय पुग्दा एक जना लेखा कर्मचारी भेटेकाे थियो । त्यपछि मंगलबार बिहान ११ बजे र ३० मिनेटमा वडा कार्यालय पुगेपछि वडा कार्यालयमा वडाअध्यक्ष नरहेको साहले बताए । वडा कार्यालय एक दर्जन भन्दा बढी सेवाग्राहीहरु सेवा लिनआएकाे तर कार्यालयमा न वडाअध्यक्ष , न वडा सदस्यहरु र न सचिव आएकाे थियो। वडाअध्यक्षले माेवाइल समेत बाेक्दैन सेवाग्राही उहाँलाई कहाँ खाेजने, उहाँकाे घरमा जादाँ घरमा कुनै कामकाे लागि सिफारिस समेत नगर्ने गरेको स्थानीय साहकाे आराेप रहेको छ।
कार्यालय बजारमै भए पनि सरकारी कर्मचारी र जनप्रतिनिधिहरू कार्यालय समयसम्म बस्दैनन् । सरकारी तलब–भत्ता खाने कर्मचारीहरू बिहान १० बजेदेखि साँझ ४ बजेसम्म कार्यालयमा बसेर सेवा दिनुपर्नेमा वडा अध्यक्ष एवम् कार्यालयका कर्मचारी समेत कार्यालय समय सम्म नबस्ने गरेको पाइएको हो । सुनसरी जिल्लाकाे दक्षिणी क्षेत्रका धेरैजसो स्थानीय तहका कर्मचारी र जनप्रतिनिधिहरू कार्यालय समयमा कार्यालयमा नबस्दा सेवाग्राही सेवाबाट बञ्चित हुँदै आएका छन् ।
पेशाप्रति जिम्मेवार हुनुपर्नेमा कर्मचारीहरूको गैरजिम्मेवारीपन बढ्दै गएको साहले गुनासो गरे । कार्यालयमा कर्मचारी र जनप्रतिनिधिहरू नबसेको र सरकारी गाडी अनि सरकारी तेलमा घरको काम गर्न व्यस्त भएको सेवाग्राहीले बताए । सेवा लिन कार्यालय धाउने सेवाग्राहीहरू वडा अध्यक्षदेखि वडा सदस्यसम्म कार्यालयमा नबस्दा त्यतिकै फर्किने गरेका छन् । जनप्रतिनिधि तथा कर्मचारीको बारेमा सेवाग्राहीले पहिला पनि आफ्नाे गुनासो गर्देआईरहेकाे छ।
