नसीम अन्सारी
इनरूवा । बलात्कारका आरोपी सिद्धबाबा, भनिने कृष्णबहादुर गिरी आफ्नै एक अनुयायी माथि जबरजस्ती करणी गरेको आरोपमा पक्राउ परेका कृष्णदास गिरी ३ लाख धरौटीमा रिहा भएका छन् ।
सुनसरी चतराका गिरीको मुद्दामा ३ दिनसम्म चलेको थुनछेक बहस सकिएपछि सुनसरी जिल्ला अदालतले गिरीलाई धरौटीमा छोड्ने आदेश दिएको हो ।
जिल्ला अदालत, सुनसरीका मुख्य न्यायाधीश राधाकृष्ण उप्रेतीको एकल इजलासले उनलाई ३ लाख धरौटीमा रिहा गर्न आदेश दिएको हो । गिरीको मुद्दामा थुनछेकका लागि न्यायाधीशहरुबीचमा गोला हानिएपछि मुद्दा मुख्य न्यायाधीश उप्रेतीको बेन्चमा परेको थियो । जिल्ला अदालतका श्रेस्तेदार नरेन्द्रकेशरी पोखरेलले कृष्णबहादुर गिरीलाई ३ लाख धरौटीमा रिहा गरिने जानकारी दिएको हो ।
आरोपी गिरीलाई सुनसरी जिल्ला अदालतबाट बाहिर निकालने क्रममा महिला अधिकारकर्मीहरुले अदालत भित्र प्रवेश गर्ने खोजदा प्रहरीले रोकेपछि महिला अधिकारकर्मी र प्रहरी बिच झरप समेत भएको हो। प्रहरीले महिला अधिकारकर्मीहरु माथि समान्य बल समेत प्रयोग गरेको हो। प्रहरीले हस्तक्षेप गरेपनि कसैले घाइते नभएको महिला अधिकारकर्मीहरुले बताए ।
चतराधाम आश्रममा पुगेकी एक महिला अनुयायीले गत कात्तिक ४ गते जबरजस्ती करणी गरेको भन्दै सुनसरी जिल्ला प्रहरी कार्यालयमा उजुरी दर्ता गराएकी थिइन् ।
त्यसपछि मुटुमा समस्या देखिएको भन्दै अभियोग लागेका सिद्धबाबा विराटनगर स्थित विराट नर्सिङ होमको आइसियूमा रहेकै बेला गत मंसिर १६ मा प्रहरीले उनलाइ पक्राउ गरेको थियो ।
