स्मार्ट २४ न्यूज
वीरगंज,। वीरगंज कलैया सडक खण्डअन्तरर्गत बाराको मोतिसर चौकमा बिहीबार विहान पल्टिएका अवस्थामा रहेको ट्याक्टरको टोलीमा ठोकिँदा एक युवकको मृत भएको छ । ट्याक्टरको टोलीमा मोटरसाइक ठोकिदा वीरगंज २४ रामगढवाका ३५ वर्षीया धुरेन्द्र गिरीको मृत्यु भएको हो ।
ना १५ प ५७४३ नम्बरको मोटरसाइकलमा सवार गिरी विहान करिब साढे पाँच बजेको समयमा वीरगंज तर्फ आइरहेको बेला मोतिसर चौक नजिकै मेनरोडमा पल्टिएको उखु लोड गरिएको ट्याक्टरको टोलीमा ठोकिएको थियो । गिरीको घटनास्थलमै मृत्यु भएको बारा प्रहरीले जनाएको छ । उनको शव परीक्षणको लागि कलैया अस्पतालमा लागिएको प्रहरीले जनाएको छ ।
बीच बाटोमा ट्याक्टर पल्टिदा टोलीलाई व्यवस्थित तरिकाले नराखेका कारण दुर्घटना भएको स्थानीयवासीको भनाइ छ ।
टोलीलाई प्रहरीले नियन्त्रणमा लिएको र घटनाबारे थप अनुसन्धान भइरहेको बाराका प्रहरी नायब उपरीक्षक एवं प्रवक्ता गौत्तम मिश्रले जानकारी दिए । उहाँले टोलीमा नम्बर नभएका कारण त्यसको धनीको पहिचान हुन नसकेको बताए ।
