अजय मिश्र
कृष्णनगर,। कपिलवस्तुको कृष्णनगर नगरपालिका- २ मा रहेको राष्ट्रीय मदरसा संघ नेपालको पुस्तकालयमा राष्ट्रीय मदरसा संघ नेपालका राष्ट्रीय अध्यक्ष डा.अब्दुल गनी अलकुफीको अध्यक्षतामा बसेको बैठेकले अल्पसंख्यक मुस्लिम समुदायको चाडपर्वमा विदा कटौतीप्रति बिरोध गरेको छ।
नेपाल सरकारले राजपत्रमा गृहमंत्रालयको सुचनानुसार विक्रम संम्बत २०७७ बैशाख १गते देखि चैत्र मसान्त सम्मा देशभरीका विदाको सूचना प्रति विरोध गर्दै नेपालमा रहेका अन्य अल्पसंख्यक समुदायको चाडपर्वहरुमा सार्वजनिक विदा गर्ने र अल्पसंख्यक मुस्लिम समुदायको चाडपर्वहरुमा सार्वजनिक विदा नगर्ने नेपाल सरकारले अल्पसंख्यक मुस्लिम समुदायप्रति सवतेला व्यवहार गरेको बताए ।
संविधानमा पहिचानका प्रमुख क्लष्टरहरूमध्ये मुस्लिम पनि एउटा हो। नेपालमा मुस्लिमको राष्ट्रिय रूपमा एउटा पृथक पहिचान कायम भएको ५ नं. प्रदेश मदरसा बोर्डका उपाध्यक्ष मौलाना मसहूद खां नेपालीले बताउदै भनेकि दशैं, दिपावली जस्तै ईद (ईदुल फित्र) बक्रईद (ईदुल अज्हा) र मोहम्मद डे (स.अ) नेपालकै लाखौं मुस्लिम समुदायले मनाउने चाड हो ।
मुस्लिम समुदायको ईद, बक्रईद नेपालको राष्ट्रिय चाड किन नहुने गुनासो पोक्दै समूहिक प्रेस विज्ञ्पती जारी गरेका छन। प्रेस विज्ञप्तिमा नेपाल सरकारद्वारा प्रकाशित राजपत्रमा गृहमन्त्रालयको सुचना अनुसार विक्रम सम्वत् २०७७ बैशाख १गतेदेखि चैत्र मसान्तसम्म देशभरिका बिदाको सूचनामा इस्लाम धर्मावलम्बीहरूको बिदालाई सार्वजनिक बिदाको रुपमा समावेश गर्नुपर्ने बताए ।
सम्बन्धित धर्म संस्कृति भौगोलिक क्षेत्र स्थान विशेषका लागि मात्र सार्वजनिक बिदा खण्ड ६९ संख्या ५१ राजपत्र भाग ५ मा प्रकाशित भए अनुसार इस्लाम धर्म मान्ने मुस्लिम समुदायका अगुवाहरुद्वारा दुस्ख व्यक्त गर्दै यसलाई तत्काल सच्याई सार्वजनिक विदामा समावेश गर्न माग गरिएको छ।
इस्लाम धर्मावलम्बीहरूको ३ वटा विदा: क. ईद (इदुल फित्र), ख. बकर ईद (इदुल अजहा), ग. मोहम्मद डे ( स.अ.) का दिन समेत सार्वजनिक विदा दिना सरकारसँग जोड्दार माग गर्दछौं।भन्ने कुरा उल्लेख गरेका छन।
उक्त प्रेस विज्ञ्पतीमा सेराज फारुकी संयोजक: (मुस्लिम संगठन नेपाल, (नेकपा केन्द्रीय सदस्य) किफायतुल्ला खान (केन्द्रीय समिती सदस्य राष्ट्रिय प्रजातन्त्र पार्टी) मिर्जा अरसद बेग( नेकपा ५ नं. प्रदेश समिती सदस्य,) जावेद आलम अध्यक्ष कृष्णनगर नगरसमिती नेकपा, नसरुल्लाह खां अध्यक्ष: (अहले सुन्नत नाईमिया नेपाल), शैख जैस मक्की (उपाध्यक्ष राष्ट्रिय मदरसा संघ नेपाल) जाहिद आजाद (अध्यक्ष अन्जुमन ईरतेकाऐ उर्दु अदब) अब्दुल अजीम मदनी अध्यक्ष तौहीद सेन्टर, नियाज अहमद, अनवार अहमद हासमी सल्लाहकार राष्ट्रीय मदरसा संघ नेपाल, जामिया इस्लामिया नाइमिया कृष्णनगरका कार्यवाहक अध्यक्ष अब्दुल कलाम खां लगायतको हस्ताक्षर रहेको छ ।
