नसीम अन्सारी
सुनसरी,। नेपालको कुनै मस्जिद र मदरसामा जमातीहरु लुकेर नबसेको र मस्जिद लुकने ठाउँ पनि समेत नभएको राष्ट्रिय मुस्लिम आयोगले स्पष्ट पारेको छ।
आइतबार राष्ट्रिय मुस्लिम आयोगको कार्यालय काठमाडौंमा भएको सर्वपक्षीय बैठकले कुनै पनि मस्जिद र मदरसामा जमातीहरु लुकेर नबसेको सयौं वर्ष देखि नेपाली जमातीय भारत जाने र भारती जमातीय नेपाल आउने परम्परा रहेको छ।
जमातीयहरु जहाँबाट आएपनि जहाँ गएपछि उहाँहरुले मस्जिदमै बस्ने गरिन्छ । त्यसकारण जमातीयहरु मस्जिद र मदरसा लुकेर बसेको होइन उहाँहरुले बस्ने ठाउँ नै मस्जिद रहेको आयोगले निष्कर्ष निकालेको हो।
राष्ट्रिय मुस्लिम आयोगका अध्यक्ष समिम मियाँ अन्सारीले नेपालको सद्भावमाथि खलल पुर्याउने केही तत्वहरुले सामाजिक सञ्जालमा जमातीहरु मस्जिदमा लुकेर बसेको झुटो आरोप लगाएको बताए।
सरकारले अचानक पहिलो पटक लकडाउन घोषणा गरेपछि जुन व्यक्ति जहाँ छ। त्यहीँ बस्ने भनेपछि जमातीहरुले त्यहीँ ठाउँको मस्जिदमा बसिरहेका थिए ।
भारतको दिल्ली स्थित नजामुदीन मर्कजमा केही व्यक्तिहरुमा कोरोना भाइरस (कोभिड—१९) संक्रमण पोजेटिभ देखिपछि भारती मिडियाहरुमा समाचार आउदा नेपालमा पनि जमातीयहरुको सोधी खोजी शुरु भएपछि स्थानीय जनप्रतिनिधि र प्रहरीले सम्बन्धित कुन ठाउँको मस्जिदमा कति जमाती छन् भन्ने कुराको जानकारी प्रत्येक जिल्ला प्रशासन कार्यालयहरुमा र गृह मन्त्रालय दिइएको उनले बताए।
आयोगको सर्वपक्षीय छलफल गरेपछि मस्जिद र मदरसा रहेका जिल्लामा अनुगमन गर्न प्रतिनिधिमण्डल बनाउने निर्णय पनि गरेको छ। प्रतिनिधिमण्डलले मदरसा र मस्जिद रहेका जिल्लामा हुने अनुगमनमा प्रहरी र जिल्ला प्रशासन कार्यालयहरुलाई सहयोग गर्ने उनले बताए।
देश कोभिड—१९ संक्रमणको जोखिमसँग लडिरहेका बेला केही तत्वहरुले विभिन्न इस्यु बनाएर जातीय द्वन्द फैलाउने काम लागेकोप्रति आयोगले आपत्ति समेत व्यक्त गरेको छ।
पर्सामा र उदयपुरको मस्जिदमा रहेका भारती जमातीमा कोरोना भाइरस पोजेटिभ देखिएपछि मुस्लिम समुदायप्रति सामाजिक सञ्जाल र केही मिडियामा अनावश्यक आरोप लाग्ने गरेको देखिन्छ ।
