नसीम अन्सारी
सुनसरी,। राष्ट्रिय मुस्लिम आयोगको पहलमा नेपालका ७५ वटै जिल्लामा रहेको मस्जिद र मदरसामा अनुगमनका लागि मुस्लिम आयोगले जिल्ला स्तरीय अनुगमन समिति गठन गरेको छ ।
राष्ट्रिय मुस्लिम आयोगले सुनसरीमा गठन गरेको अनुगमन समितिले ५ जिल्लाको मस्जिद र मदरसा अनुगमन गर्ने भएको छ।
सुनसरी जिल्ला स्तरीय गठन गरेको मस्जिद र मदरसा अनुगमन समितिमा डाक्टर खालिद हुसैनको संयोजकमा ७ सदस्यको टिम रहेको छ।
नईम अन्सारी , जावेद आलम, सन्तोष मेहता, दिल मोहम्मद (दिल्लो), हाजी जिया, आफाक अहमद र मौलाना इलियास रहेका छन ।
सुनसरी,धनकुटा,तेरहथुम,संख्वासभा र भोजपुरमा रहेका मस्जिद र मदरसाहरुको अनुगमन गर्ने आयोगले डाक्टर खालिद हुसैनलाई संयोजकको जिम्मेवारी दिईएको छ ।
उदयपुरको नुरी मस्जिदमा रहेका भारतिय नागरिक तथा मुस्लिम समुदायहरुमा कारोना पोजिटिभ देखिएपछि राष्ट्रिय मुस्लिम आयोगको सर्वपक्षीय छलफल मार्फत नेपालभरका ७५ वटै जिल्लामा रहेको मस्जिद र मदरसामा अनुगमन गर्ने निर्णय गरेको थियो ।
जिल्ला स्तरीय अनुगमन समितिले मदरसा र मस्जिदमा हुने अनुगमनमा जिल्ला प्रशासन कार्यालय संग समन्वय गरी अनुगमन समितिसंगै रहने स्वास्थ्यकर्मीले मस्जिद मदरसामा रहेका मौलानाहरूको स्वास्थ्य जांच पनि गर्ने आयोगका अध्यक्ष समीम मियाँ अन्सारीले जानकारी दिए ।
