सुनसरी,। डाक्टर माथि हातपात गर्नेलाई कारवाही गर्नका लागि इनरुवा अस्पतालमा कार्यरत डाक्टरहरुले माग गरेका छन ।
सुनसरी सदरमुकाम समेत रहेका जिल्ला अस्पताल इनरुवामा कार्यरत स्वाथ्यकर्मीहरुले साङकेतिक बिरोध प्रदर्शन गर्दै डाक्टर माथि हातपात गर्नेलाई कारवाही गर्नका लागि माग गरेका हुन ।
कोराना भाइरस महामारीका बेला स्वास्थ्यकर्मीहरु अग्र पङक्तिमा काम गरिरहेका बेला डाक्टरहरुलाई हौसल्ला प्रदान गर्नुपर्नेमा हातपात गर्ने कार्य निदन्नीय भएको इनरुवा अस्पतालका मेडिकल अधिकृत डाक्टर राममोहन झाले बताउनुभयो ।
इनरुवा अस्पतालमा कार्यरत स्वास्थ्यकर्मीहरुले हातमा कालोपट्टि बान्धेर साङकेतीक बिरोध प्रदर्शन गरेको डाक्टर झाले बताउनुभयो ।
केही दिन अगाडि मात्र नेपाल मेडिकल कलेज जोरपाटीका इमरजेन्सी मेडिकल अफिसर माथि विरामीका आफन्तहरुले कुटपिट गरेका थिए ।
त्यसैको विरोधमा इनरुवा अस्पतालमा कार्यरत चिकित्सकहरुले सांकेतिक विरोध प्रदर्शन गरेको डाक्टर रमेश बस्नेतले बताउनुभयो ।
डाक्टरलाई हातपात गर्नेहरुलाई कानूनी कारवाही हुनुपर्ने, जेल बीदट बेल, चिकित्सकहरुको सुरक्षाको गयारेन्टी गर्नुपर्ने लगायतका माग राख्दै बिरोध प्रदर्शन गरेको डाक्टर बालकृष्ण मण्डलले बताउनुभयो ।
आफुहरुको माग सम्बोधन गर्नका लागि सम्बन्धीत निकायले ध्यान नदिए कडा आन्दोलन गर्ने चेतावनी समेत डाक्टरहरुले दिएका छन ।
बिरोध कार्यक्रमा डाक्टर दिपक मिश्रा, गुणनन्द झा, तारणी प्रसाद यादव लगायतको सहभागीता रहेको थियो ।
