नसीम अन्सारी भुटाहा,। सुनसरीको हरिनगर गाउँपालिका वडा नम्बर ४ हरिनगरामा सार्वजनिक सुनुवाई कार्यक्रम सम्पन्न भएको छ । वडा नम्बर ४ हरिनगराले मंगलवार सार्वजनिक सुनुवाई कार्यक्रम मार्फत आर्थिक वर्ष २०७६÷०७७ को आ।व सार्वजनिक गरेको छ।
वडा नं.४ ले आर्थिक बर्ष ०७६÷०७७ मा सम्पादन गरेको कामको प्रभावकारीता तथा नागरिकको सन्तुष्टी तथा गुनासो सुनुवाई गर्ने उदेश्यका साथ सार्वजनिक सुनुवाई कार्यक्रम आयोजना गरिएको हो ।
वडाले वर्षभरी गरिएका योजना तथा प्रदान गरिएका सेवाको पादर्शीता सुनिश्चीत गर्नका लागी वडाले प्रत्येक वर्ष सार्वजनिक सुनुवाई गर्ने गरेको वडाअध्यक्ष सुदिलाल मेहताले बताएका छन् ।
हरिनगर गाउँपालिका वडा नम्बर ४ को आयोजनामा तथा स्मार्ट साझा मिडिया प्रा.लि.को सहजिकरणमा सार्वजनिक सुनुवाई कार्यक्रम गरिएको हो । कार्यक्रमको सहजिकरण पत्रकार नसीम अन्सारीले गरेका थिए ।
आयोजित सार्वजनिक सुनुवाई कार्यक्रममा वडाको लागि विनियोजित बजेट र खर्चको बारेमा वडा बासिलाई जानकारी गराइएको थियो ।
कार्यक्रमा बोल्दै अध्यक्ष मेहताले वडाको विकास सँगै सुशासन समेत कायम राख्ने बताउनु भयो । वडाको विकास र समृद्धिको खातिर लागि रहँदा सुशासनको अवस्थामा समेत ध्यान दिंदै हामीले सार्वजनिक सुनुवाईको आयोजना गरेका हौ’मेहताले भन्नुभयो।
आगामि दिनमा पनि हामीले सार्वजनिक सुनुवाई कार्यक्रम गर्ने प्रतिवद्धता समेत मेहताले व्यक्त गर्नु भएको छ । सार्वजनिक सुनुवाई कार्यक्रममा खर्चको प्रतिवेदन प्रस्तुत गर्दै वडा सदस्य राजेश पालले गत आर्थिक वर्षमा वडामा संचालन भएका विभिन्न ५७ वटा योजनामध्ये ५५ योजना सम्पन्न गर्न सफल भएको बताउनुभयो ।
वडा नम्बर ४ लाई गाउँपालिकाले जम्मा ५० लाख बजेट दिएको छ। वडामा गाउँपालिकाबाट परेका दुई वटा गौरवका योजना निर्माणाधिन अवस्थामा रहेको समेत उहाले बताए ।
