नसीम अन्सारी भुटाहा,। सुनसरीकाे भोक्राहा नरसिंह गाउँपालिका वडा नंं. ८ स्थित सोनयाहीमा सशस्त्र प्रहरी बलको नवनिर्मित भवन आज एक समारोह बिच उद्घाटन गरिएको छ।
सीमा सुरक्षा पोष्ट बिओपीको भवन सशस्त्र प्रहरी बलका महानिरीक्षक रामशरण पौडेलले एक कार्यक्रमको बिच समुद्घाटन गर्नुभएको हो ।
सशस्त्र प्रहरी बल नेपाल बोर्डर आउट पोष्ट उद्घाटन समारोहलाई सम्वोधन गर्दै पौडेलले सीमा नाकामा खटिएको सशस्त्र प्रहरीहरुले सीमाको सुरक्षासँगै जनतालाई सुरक्षाको प्रत्याभूती दिइने हाम्रो मुख्य जिम्मेवार रहेको बताए ।
सशस्त्र प्रहरी अतिरिक्त महानिरीक्षक पौडेलले सुनसरीमा १० औं बीओपीको उद्घाटन गर्दै उनले भने नेपालको १ सय ९४ औं बीओपी र सुनसरीको १० औं बीओपीको रुपमा रहेको भोक्राहा नरसिंहको उल्टीमा आफूले उद्घाटन गर्न पाएको बताए ।
देशमा यो वर्षमा २ सय २१ वटा बीओपी स्थापना गर्ने लक्ष्य सरकारको रहेको हुदाँ भोक्राहा नरसिंह लगाएर १ सय ९४ वटा सशस्त्र प्रहरी बल नेपाल बोर्डर आउट पोष्ट स्थापना भएको पौडेलले बताए ।
सबै ठाउँमा स्थानीय जनताको सहयोग पाए नेपालमा ५ सय बढी सशस्त्र प्रहरी बल नेपाल बोर्डर आउट पोष्ट स्थापना गर्न कुनै समस्या नहुने पौडेलको भनाई छ । सशस्त्र प्रहरीले जनताको सेवा, सुरक्षा र उद्धार गर्न कुनै कसर बाँकी नराख्ने पौडेलले बताए ।
मुलुक अहिले बिकट परिस्थितीमा गुज्रिरहेको हुदाँ नेपाल भारतको सीमा नाका बन्द गरेको र आउजाउ गर्न नदिएकोमा कसैले अप्ठयारो नमानी सशस्त्र प्रहरीलाई सहयोग गर्न अपलि गर्दै वहाँले कोरोना भाइरस नियन्त्रणका लागि कडाई गरिएको समेत जानकारी दिए ।
सशस्त्र प्रहरीले नेपाल भारत सीमानाका पिलरको सुरक्षा गर्ने, अनुगमन गर्ने र कोरोना भाइरसको समयमा तराई, हिमाल र पहाडमा सशस्त्र प्रहरीले इमान्दारिताका साथ राज्यले दिएको जिम्मेवारी पूरा गरिरहेको समेत उनले बताए ।
सीमा नाकामा राज्यले दिएको जिम्मेवारी पूरा गर्न सशस्त्र प्रहरी खटिरहेको छ उनले भने सीमानाकामा सर्वसाधारणहरुलाई आउजाउ गर्न नदिएको र नेपालीहरुले संक्रमण र क्षति नपुगोस भनेर यसलाई नियन्त्रण गर्न सरकार लागि परेको उनले बताए ।
अविश्वासको वातावरण सिर्जना नगर्न र सहज वातावरणमा सशस्त्र प्रहरीलाई काम गर्न दिनका लागि सबैको साथसहयोग र मायाको आवश्यकता भएको बताउँदै पौडेलले जनतासँग सशस्त्र प्रहरीले हातैमालो गरेर अगाडी बढ्ने प्रतिवद्धता समेत ब्यक्त गरेका छन् ।
जनतालाई सीमानाकामा दिनुपर्ने सेवा सुविधा र सहयोग लागि सधैं तयार रहेको छु उनले भने सशस्त्र प्रहरीको मुख्य काम वोर्डर ब्यवस्थापन र सुरक्षा गर्नुको साथै आमनागरिकलाई सुरक्षाको प्रत्याभूती दिलाउनु हो ।
सशस्त्र प्रहरी बल नेपाल बोर्डर आउट पोष्ट स्थापना भएपछि सामाजिक अपराधिक गतिविधिहरुलाई नियन्त्रण गर्ने र जनतालाई सुरक्षाको प्रत्याभूति दिलाउनका लागि स्थापना भएको सुनसरीका प्रमुख जिल्ला अधिकारी फणिन्द्रमणि पोखरेलले बताए ।
बीओपी स्थापना भएपछि नेपालीहरुको लागि सहज भएको उनले बताए । भोक्राहा नरसिंह गाउँपालिका ८ नम्बर वडाको उल्टी नेपाल भारतसँग जोडिएको पालिका भएको हुदाँ सुरक्षा दृष्टिकोणले बालियो नभएको अवस्थामा बीओपी स्थापना गरी शान्ति सुरक्षा र सीमाको रक्षाको लागि गरिएको उनले बताए ।
त्यस्तै सशस्त्र प्रहरी बल नेपाल ४ नम्बर गण सुनसरीका सशस्त्र प्रहरी उपरीक्षक माधव प्रसाद पौडेलले सुनसरीमा ७ वटा थप बीओपी स्थापना गर्ने लक्ष्य रहेको बताए ।
बर्जु गाउँपालिकामा १ वटा, कोशी गापामा ३ वटा, हरिनगर गापामा २ वटा लगायतको पालिकाहरुमा स्थापना गर्ने मध्ये भोक्राहा नरसिंह र हरिनगरमा जग्गा भेटिएकोले पालिकाका अध्यक्षहरुलाई धन्यवाद दिएका छन् ।
उल्टीको भवन निर्माण गर्नका लागि भोक्राहा नरसिंह गापाबाट ५ लाख र अन्यबाट २५ लाख बराबरको निर्माण सामाग्री सहयोग पाएको प्रहरी उपरीक्षक पौडेलले बताए ।
सशस्त्र प्रहरी सीमासुरक्षाका मात्रै पात्र नभएर यहाँका जनता पनि सीमा सुरक्षाका पहरेदार हुन् उनले भने ‘सशस्त्र प्रहरी बर्दी सहितको सीमा रक्षक हो भने यहाँका सम्पूर्ण नागरिक बिना बर्दीको सीमा रक्षक हुन् भन्ने कुरालाई आत्मसाथ गरेको छु ।’
भोक्राहा नरसिंह गाउँपालिकाका अध्यक्ष महेन्द्र प्रसाद यादवले यस वडामा बीओपी स्थापना गर्न आफूले सहयोग गरको बताए । बीओपी स्थापना भएपछि जनताको जनधनको सुरक्षा हुने भएको हुँदा ठूलो उपलब्धी भएको बताए ।
यादवले चोरी र तस्करी नियन्त्रण गर्न तथा सीमा सुरक्षाका लागि खटाइएको सशस्त्र प्रहरीले इमान्दार भएर काम गर्नका लागि सुझाव दिदैं गलत क्रियाकलाप गर्नेलाई प्रश्य नदिनका लागि अनुरोध समेत गरेका थिए ।
