अजमल अन्सारी
इनरुवा,। सुनसरीको सदरमुकाम इनरुवा नगरपालिकाको शान्ति चोक स्थित फुलवारी होटेलमा प्रदेश स्तरीय तीन दिने लोककला कार्यशाला कार्यक्रम सम्पन्न भएको छ ।
लोककलाको संरक्षण तथा प्रवद्र्धन गर्ने उद्देश्यका साथ तीनदिने लोककला प्रशिक्षण, कार्यशाला आइतबार देखि उत्साहजनक रुपमा शुरु भएर मंगलवार सप्पन्न भएको छ ।
कार्यक्रम नेपाल ललितकला प्रज्ञा प्रतिष्ठान, लोककला विभागको आयोजना तथा इनरुवा नगरपालिकाको सहकार्य र नवयुग बहुउद्देशियको संयोजनमा लोककला कार्यक्रम सम्पन्न भएको हो ।
लोककला विभाग प्रमुख एवम् वरिष्ठ मिथिला चित्रकार यादवले नेपालमा छरिएका रहेका मौलिक लोककलाको संरक्षण, विकास र विस्तारका लागि कार्यशाला आयोजना गरिएको बताए ।
यस लोककला कार्यशाला अगाडि प्रदेश २ को सप्तरी र प्रदेश ५ को दाङमा लोककला कार्यशाला सम्पन्न गरिएको र अब मुलुकका अन्य स्थानमा पनि यस्तै कार्यशाला र प्रदर्शनीहरु आयोजना गर्ने यादवको भनाइ छ ।
साथै स्थानीय लोककलाको विकासका लागि प्रतिष्ठानले देशैभर काम गरिरहेको र यसपटकको कार्यक्रमले इनरुवालाई चिनाउन उदेश्यले गरेको बताए ।
कार्यक्रमको समापन गर्दै खेमराज पोखरेलले उत्कृष्ट मौलिक कलालाई तीन दिन सम्म स्थान उपलब्ध गराउनु नै कार्यक्रमको सफलता भएको बताएका छन् ।
उनले भने, आफुहरुले सोचेको भन्दा पनि राम्रो सहभागीता र राम्रा चित्रहरु बनाएको बताए । लोककलाको विकासविना अरु कला विकास हुन नसक्ने बताउनुभयो । आफ्नो कला, संकृति बचाउने क्रममा लोककलाको महत्वपूर्ण भूमिका रहेको बताउनु भयो ।
कार्यक्रममा जीवनाथ पोखरेल पन्छी , संजय बान्तोला, कलाकार अनुराधा थापा लगायतकाले शुभकामना मन्तव्य राखेका थिए ।
नेपाल ललितकला प्रज्ञा प्रतिष्ठान, लोककला विभागको आयोजना तथा इनरुवा नगरपालिका सहयोगमा भएको आयोजित कार्यशालामा मिथिला चित्रकला, नेवार कला, थारु कला, राजवंशी कला, तामाङ कलाको सुनसरी , उदयपुर , मोरङ, झापा, धनकुटा लगायत १२ वटा जिल्लाहरुका दुई दर्जन बढी सहभागीहरुको रहेको थियो ।
कार्यक्रममा कलाकार बिनोद राजबन्सी, सिमा कुमारी चोधरी, सुमित कुमार, दिपक मेहता लगायत सहभागी भएका दुई दर्जन भन्दा बढी कलाकारहरुलाइ प्रमाणपत्र सहित माला, खादा लगाएर सम्मान गरेको थियो ।
कार्यक्रम नवयुग केन्द्र अध्यक्ष खेमराज पोखरेलको अध्यक्षतामा सम्पन्न भएको थियो भने कार्यक्रमको संचालक इनरुवा नगरपालिकाको कर्मचारी जीवन भट्टराई रहेको थियो , प्रज्ञा सभासदस्यहरु रामपुजन ठाकुर, संजय बान्तोला,गंगा शुवेदी, समाजसेवी बद्री चौधरी लगायत सरोकारवालाहरुको उपस्थिती रहेको थियो ।
