इनरुवा,। सुनसरीको भोक्राहा नरसिंह गाउँपालिकामा नेपाली काँग्रेस पार्टीको ४ वटा वडा कार्यालय एक साथ उद्घाटन भएको छन् ।
भोक्राहा नरसिंह वडा नम्बर ३,५,६ र ८ मा नेपाली काँग्रेस सुनसरी क्षेत्र नम्बर-४ का क्षेत्रीय सभापति तथा कोशी गाउँपालिकाका अध्यक्ष ऐयुव अन्सारीले शनिवार एक साथ ४ वटा वडा कार्यालय उद्घाटन गरेका हुन् ।
यस अघि ७ नम्बर वडा कार्यालयको उद्घाटन गरिएको थियो । अब भोक्राहा नरसिंहमा वडा नम्बर १,२ र ४ को वडा कार्यालय खोल्न बाँकी रहेको छन् ।
उद्घाटन कार्यक्रमका प्रमुख अतिथि समेत रहेका क्षेत्रीय सभापति अन्सारीले भोक्राहा नरसिंह गाउँपालिकामा १४ औं महाधिवेशन गर्न बाँकी रहेकोले अब सबै जना एक जुट भएर सहमतिमै गर्नुपर्ने उनले बताए।
भोक्राहा नरसिंहमा काँग्रेसका नेताहरुले पहल र प्रयास गर्नुपर्नेमा उनले जोड दिए । फागुन १० गतेभित्र सहमतिमा नेतृत्व चयन गरेर स्थानीय तहको निर्वाचनमा होमिन नेता तथा कार्यकर्ताहरुलाई अनुरोध गरेका छन् ।
संगठनलाई बलियो बनाउन १४ औं महाधिवेशनमा भएका सबै तिता मिठा कुरा बिर्सेर स्थानीय तहको निर्वाचनमा होमिन तयार हुनुपर्नेमा उनले जोड दिएका दिए ।
भोक्राहा नरसिंह गाउँपालिकाको अधिवेशन निर्वाचन नगरी सहमतिबाट नेतृत्व चयन गर्न पार्टीले निर्देशन गरेको हुनाले कार्यान्वयन गर्न सबै एक जुट हुनुपर्ने उनले बताए ।
कार्यक्रमका विशिष्ट अतिथि पुर्व सांसद सुर्यदेव दास उराँवले पालिकाको अधिवेशन सहमतिको विकल्प नरहेकोले एकजुट भएर नेतृत्व चयन गर्नुपर्ने बताए । १४ औं महाधिवेशनमा भएको गुट-उपगुटलाई बिर्सेर काँग्रेसलाई बलियो बनाउनेतर्फ सबै लाग्नुपर्ने उनले बताए ।
त्यसैगरी नेपाल मुस्लिम संघ १ नम्बर प्रदेशका सभापति डा. हाजि ईस्राइल मंसुरीले भोक्राहा नरसिंहमा सहमतिबाटै नेतृत्व चयन हुने ठोकुवा गरिएको छ ।
कार्यक्रमका विशिष्ट अतिथि समेत रहेका सभापति मंसुरीले गाउँपालिकाको अधिवेशन चुनावबाट गर्नुपर्ने बाध्यता हटेर गएको र सहमतिमा नै हुने भएकाले तेरो मेरो नगरीकन एक ठाउँमा बसेर सहमति, सहकार्य र एकताबाट नेतृत्व चयन हुने विश्वस्त रहेको बताए ।
भोक्राहा नरसिंहमा नेपाली काँग्रेस वडा कार्यालय उद्घाटन कार्यक्रमबाट एकताको सन्देश प्रवाह भएको समेत उनले जिकिर गरे ।
त्यसैगरी नेपाल मुस्लिम संघ सुनसरीका सभापति अजमल अख्तर आजादले महाधिवेशनमा भएको मनमुटावलाई अन्त्य गरी भोक्राहा नरसिंह गाउँपालिकामा नेपाली काँग्रेस पार्टीका उम्मेदवारलाई जिताउन अभियानमा एक जुट भइ लाग्नुपर्ने उनले बताए ।
आगामी बैशाख ३० गते हुने स्थानीय तहको निर्वाचनमा भोक्राहा नरसिंह गाउँपालिकामा अध्यक्ष पदमा जोसुकैले टिकट पाएपनि सबैले सहयोग गरी जिताउनु पर्नेमा उनले जोड दिए ।
भोक्राहा नरसिंहमा पार्टीको नेतृत्व चयन गर्नका लागि नेताहरुले कसरत गरेपछि सहमतिमा नै टुंगो लाग्ने र आफुले पनि सहयोग गर्ने प्रतिवद्धता उनले व्यक्त गरे ।
कार्यक्रमलाई सम्बोधन गर्ने क्रममा नेताहर रुकमण खत्री, हारुन अन्सारी, शत्रुघन यादव, वीरेन्द्र उराँव, ममता उराँव, हाजी सुलेमान मंसुरी लगायतकाले सहमतिमा नै पार्टीको नेतृत्व चयन गर्न जोड दिएका थिए ।
नेपाली काँग्रेस भोक्राहा नरसिंह-३ का वडा सभापति देवकुमार मण्डल, वडा नम्बर ५ का वडा सभापति हारुण रसिद मंसुरी, वडा नम्बर ६ का वडा सभापति जमालुद्धिन मंसुरी र वडा नम्बर ८ का वडा सभापति कलिम मंसुरीको सभापतित्वमा वडा कार्यालय उद्घाटन भएका हुन् ।
कार्यक्रम संचालन नेपाली कांग्रेस सुनसरी क्षेत्र नम्बर-४ का सचिव जुगेश्वर यादव र पुर्व सचिव राजेन्द्र प्रसाद मेहताले गरेका थिए।
