१५ सय मिटर छात्र दौडमा हरिनगरा माविका रामनाथ रिसिदेव र छात्रामा बाल कृष्ण मावि भुटाहाका काजल गुप्ता बिजयी
नसीम अन्सारी
भुटाहा,। सुनसरीको हरिनगर गाउँपालिकामा दोस्रो गाउँस्तरीय राष्ट्रपति रनिङ शिल्ड प्रतियोगिता २०७६ सुरु भएको छ । हरिनगर गाउँपालिका खेलकुद विकास समितिको आयोजनामा राष्ट्रपति रनिङ शिल्ड सुरु भएको हो ।
दुई दिनसम्म आयोजना हुने प्रतियोगिताको पहिलो दिन भएको १५ सय मिटर दौडको छात्र तर्फको हरिनगरा माविका रामनाथ रिसिदेव प्रथम भएका छन् । उनले उक्त दुरी ४ मिनेट ४८।३२ सेकण्डमा पुरा गर्दै प्रथम भएका हुन् ।
यसैगरी बाल कृष्ण माविका साजिद अन्सारीले ५ मिनेट ००।३३ सेकेन्डमा दुरी पुरा गर्दै दोस्रो भए ।
बाल कृष्ण माविका रमेश मंडल ५ मिनेट ३८।१० मा उक्त दुरी पार गर्दै तेस्रो भएका छन् ।
छात्रातर्फ बाल कृष्ण मावि भुटाहाका काजल गुप्ता प्रथम भइन् । उनले उक्त दुरी ६ मिनेट ३४।४५ सेकेन्डमा पुरा गरिन् । मावि वसन्तपुरका मधु यादवले ६ मिनेट ५३।२४ सेकेन्डमा दुरी पुरा गर्दै दोस्रो भइन्। जनता मावि गौतमपुरका अंजलि मेहताले दुरी ७ मिनेट ०० ५४ सेकेन्डमा पुरा गर्दै तेस्रो भइन् ।
१०० सय मिटर दौडको छात्र तर्फको हरिनगरा माविका धर्मेन्द्र साह प्रथम जनता मावि गौतमपुरका जमशेद अन्सारी दोस्रो र हरिनगरा माविका सुर्य शर्मा तेस्रो भएका छन् ।
त्यस गरि १०० सय मिटर दौडको छात्रा तर्फको हरिनगरा माविका कविता कुमारी राम प्रथम, जनता मावि गौतमपुरका रोशनी शर्मा दोस्रो र त्यही माविका रंजन कुमारी शर्मा तेस्रो भएका छन् ।
त्यस्तै सटफुट थ्रो तर्फ छात्रमा बाल कृष्ण मावि भुटाहाका राजेश मंडल प्रथम भएका छन् । उनले ३५।९५ मिटर थ्रो प्रहार गरेका थिए । जनता मावि गौतमपुरका हजरत अन्सारी ३२।७५ मिटर थ्रो गर्दै दोस्रो भए । यसैगरि बाल कृष्ण मावि भुटाहाका शंकर मंडल ३१।९५ मिटर थ्रो गर्दै तेस्रो भएका छन् ।
छात्रातर्फ विद्या पति एकेडमिका ममता मेहताले १२।६० मिटर दुरी थ्रो गर्दै प्रथम भएकी छन् । मावि बसन्तपुरका रजनी कुमारी मेहताले १२।३० मिटर थ्रो गर्दै दोस्रो तथा बाल कृष्ण मावि भुटाहाका आफरीन खातुन १०।९५ मिटर थ्रो गर्दै तेस्रो स्थान हासिल गरेकी छन् ।
विद्यालयस्तरमा रहेका प्रतिभालाई खेलमार्फत छनौट गरि उत्कृष्ट खेलाडीहरुलाई जिल्लामा सहभागिता पाउने आयोजक समितिका एवम् शिक्षा तथा खेलकुद शाखा प्रमुख अजित कुमार मलिकले बताए ।
यसैगरी भलिबल, कबड्डी खेल भोलि हुने बताए । खेलको उद्घाटन १ नम्बर प्रदेश सांसद हाजि ताहिर अन्सारी तथा हरिनगर गाउँपालिका अध्यक्ष गफार अन्सारीले संयुक्त रुपमा उद्घाटन गरेको थियो ।
प्रतियोगितामा गाउँपालिका भित्रका सामुदायिक वटा विद्यालयका करीब २ सय खेलाडीहरुको सहभागिता छ । सहभागि सबै बिद्यार्थीले शिल्ड,मेडल र प्रमाणपत्र पाउनेछन् भने उत्कृष्ट खेलाडीहरुलाई जिल्ला स्तरमा सहभागी गराइने र त्यसपछि प्रदेशमा सहभागिता पाउनेछन् ।
धेरै राम्रो दौड प्रतियोगिता गराउनु भएको गाउँ पालिका सरकारले यस्तै युवा युवतिहरुलाइ केही खेल केही सांस्कृतिक कला राष्ट्रिय कला राष्ट्रिय खेल खेलाइ रहेमा यो एउटा गाउँको युवा युवतिले संसार छुने छ र आफ्नो गाउँ र समाज राष्ट्रको पहिचान खुलाउने छ ।भोलि गएर राष्ट्रको राष्ट्रिय खेलाडी बन्न सकिन्छ हामिहरु कुनै देश वा अन्य आफ्नै जिल्लाका कुनै राष्ट्रिय खेलाडी वा राष्ट्रिय ब्याक्ती आउँछ भने हामी शौकले हेन जान्छौ ।त्यो पनि हेर्न रहर हुन्छ तुयही रहर लिएर हामी आफनो गाउँ समाजको युवा युवतिलाइ राष्ट्रिय खेल राष्ट्रिय अन्य कला सिकायो भनो एउटा हाम्रो गाउँको पाहिचान र मनोबल ठुलु हुन्छ म एति लेख्दै समाफ्त गर्दै छ
संजाल: ansari irfan mohammad