इनरुवा,। सुनसरीको इटहरीमा जारी स्वर्गीय गिरिजाप्रसाद कोइराला स्मृति अन्तर नगरपालिका फुटबल प्रतियोगिता खेलमा जित हात पार्दै इनरुवा नगरपालिका सेमिफाइनलमा प्रवेश गरेको छ।
शनिवार सम्पन्न दोस्रो क्वाटर फाइनल खेलमा उदयपुरको चौदण्डी गढी नगरपालिकालाई ३-० गोल अन्तरले पराजित गर्दै इनरुवाले सेमिफाइनलमा पुगेको हो। इनरुवाको जितमा अभिषेक कालिकोटेले २ गोल गरेको छ भन्ने अर्को एक गोल पर्वत कार्कीले गरेका थिए ।
कालिकोटेले खेलको १३ औँ र ७८ औँ मिनेटमा गोल गर्दा कार्कीले खेलको २१ औँ मिनेटमा गोल गरेका थिए । उक्त खेलको म्यान अफ द म्याच इनरुवाका पर्वत कार्की घोषित भए । उनले नगद ३ हजार सहित ट्रफी पाएको छ।
इनरुवा नगरपालिकाले अब सेमिफाइनलमा आइतबार हुने इटहरी उपमहानगरपालिका र दमक नगरपालिका बिचको विजेतासँग चैत्र १८ गते प्रतिस्पर्धा गर्नेछ।
इटहरीको क्षेत्रीय रङ्गशालामा जारी प्रतियोगितामा प्रदेश एकका ८ वटा नगरपालिकाका टिम सहभागी छन् । प्रतियोगिताको विजेता टिमले २ लाख उपबिजेतालाई १ लाख पुरस्कार पाउने छन् । चैत्र २१ गतेसम्म चल्ने प्रतियोगितामा २५ लाख अनुमानित खर्च हुने बताइएको छ ।
