काठमाडौँ,। जिल्ला अदालत काठमाडौंमा विचारधीन बलात्कार आरोपको मुद्दाको पेशी सरेपछि नेपाली राष्ट्रिय क्रिकेट टिमका लेग स्पिनर सन्दीप लामिछाने एसिया कप खेल्न सोमबार पाकिस्तान जाने भएका छन् ।

बुधबारबाट एसिया कप सुरु हुँदैछ । उनी विरुद्धको मुद्दा आइतबार हेर्न नभ्याइएका कारण उनको पेशी भदौ २१ गतेलाई सरेको छ। पेशी सरेपछि सन्दीप भोलि नै एसिया कपका लागि पाकिस्तान उड्ने सन्दीपका वकिल सरोजकृष्ण घिमिरेले बताए ।

नेपाल क्रिकेट संघ क्यानका अध्यक्ष चतुरबहादुर चन्दले पनि सन्दीप संभवत भोलि पाकिस्तान जाने बताएका छन् । नेपालको टिम भने भदौ ५ गते नै पाकिस्तान गइसकेको थियो ।