काठमाडौं,। हमासले इजरायलमाथि गरेको आक्रमणमा परेर कम्तिमा पनि सात जना नेपाली घाइते भएको प्रारम्भिक सूचना प्राप्त भएपछि परराष्ट्र मन्त्रालयमा आकस्मिक बैठक बोलाइएको छ ।
प्यालेस्टाइनको इस्लामिस्ट समूह हमासले इजरायलमाथि गरेको कारबाहीमा सात नेपाली पनि घाइते भएको बताइएको छ । हामीले पनि इजरालयमा रहेका नेपाली घाइते भएको प्रारम्भिक सूचना पाएका छौँ,” परराष्ट्र मन्त्रालयकी प्रवक्ता सेवा लम्सालले भनिन्, “अहिले परराष्ट्र मन्त्रालयमा आकस्मिक बैठक बोलाइएको छ ।”
उनकाअनुसार केहीबेरमा त्यहाँको अवस्थाका बारेमा सरकारले जानकारी गराउनेछ । हमासले इजरायलमाथि गरेको आक्रमणमा परेर ४० जना त्यहाँका नागरिकको मृत्यु भएको अन्तर्राष्ट्रिय सञ्चारमाध्यमले जनाएका छन् ।
