सुनसरी,। नेपाली काँग्रेसका सभापति तथा पुर्व प्रधानमन्त्री शेरबहादुर देउवाले दूरदर्शी युवा नेता डा. अबुल हुसेन अन्सारीलाई सम्मान गरेको छ।
काँग्रेसले सूचना सञ्चार तथा प्रचार विभागले आयोजना गरेको “डिजिटल प्टलेटफर्म प्रयोग, प्रभाव र असर बिषयक कार्यक्रममा काँग्रेस सभापति देउवाले पार्टीमा सक्रिय, सक्षम र दूरदर्शी युवा नेता डा. अन्सारीलाई सम्मानित गरिएको हो।
काँग्रेसका युवा नेता डा. अन्सारीले गर्नु भएको अमुल्य सहयोगप्रति उच्च प्रशंसा सहित पाटी सभापती शेरबहादुर देउवाले सम्मानित गरेको छ ।
सो सम्मान केवल व्यक्तिगत उपलब्धिको पहिचान मात्र होइन, बरु पार्टी र देशको हितमा उहाँले पुर्याउनुभएको योगदानको सार्वजनिक प्रशंसा पनि हो ।
डा. अन्सारीले लामो समयदेखि नेपाली काँग्रेसभित्र संगठन सुदृढीकरण, युवा नेतृत्वको विकास, समावेशी राजनीतिक सोच, र सामाजिक न्यायका मुद्दामा सक्रिय रहँदै आएका छन ।
कार्यक्रममा उपस्थित नेताहरुले डा. अन्सारीको अनुशासित राजनीतिक जीवन, जनतासँगको प्रत्यक्ष सम्पर्क र नीति निर्माणमा उहाँले राख्ने स्पष्ट दृष्टिकोणको प्रशंसा गरेका थिए ।
विशेष गरी उहाँले देशको लोकतान्त्रिक मूल्य मान्यता र समान अधिकारको पक्षमा गरेको अडान संगठनभित्र युवा र अल्पसंख्यकको आवाजलाई सशक्त बनाउने प्रयास तथा राजनीतिक शुद्धताको लागि देखाएको प्रतिबद्धतालाई उच्च मूल्याङ्कन गरिएको छ ।
उक्त कार्यक्रममा नेपाली काँग्रेसका वरिष्ठ नेता देखि युवा कार्यकर्तासम्मको उपस्थिति रहेको थियो । सम्बोधनका क्रममा वक्ताहरुले भने डा. अबुल हुसेन अन्सारी जस्ता इमानदार, कर्मठ र दूरदर्शी नेताको उपस्थितिले पार्टी मात्र होइन, सम्पूर्ण देशको राजनीतिक संस्कृतिलाई सुदृढ बनाउँछ ।
यो सम्मान कार्यक्रमले पार्टीभित्र सकारात्मक ऊर्जा र प्रेरणा थप्ने मात्र होइन, आगामी दिनमा सक्षम नेतृत्वको आवश्यकता र महत्त्वलाई पनि पुनः उजागर गरेको छ ।
डा. हुसेनले धन्यवाद ज्ञापन गर्दै आफ्नो जिम्मेवारी अझ निष्ठा र प्रतिबद्धतासहित पूरा गर्ने प्रतिज्ञा व्यक्त गर्नु भयो उहाँको भनाइमा यो सम्मान मेरो व्यक्तिगत मात्र होइन जनताको माया र विश्वासको सम्मान हो ।
